Dòna, sénher, 

A comptar del diluns 6 de julhet, la còla del CIRDÒC - Institut occitan de cultura es urosa de vos aculhir de nòu a la Mediatèca a sos oraris costumièrs de dobertura e amb de modalitats d'acuèlh alargadas, dins lo quadre d'aquela novèla etapa de desconfinhament e totjorn dins lo respècte de las nòrmas sanitàrias.

Condicions d’acces e de consultacion : 
 

- Possibilitat per totes los usatgièrs (dins la limita de 6 plaças assetadas) de sejornar dins los espacis de lectura.

L'installacion en grop, lo prèst de casco, la consultacion de la premsa, tan coma la Pichonetèca son totjorn inaccessibles. Las accions culturalas e acuèlhs de grop demòran suspenduts fins a la dintrada de setembre.

-Oraris de dobertura : la Mediatèca torna trobar sos oraris de dobertura costumièrs : lo diluns de 13h30 a 18h00, e del dimars al divendres de 10h00 a 18h00.
 

- Per accedir a la Mediatèca : se senhalar a l'interfòn Plaça del 14 de Julhet (o sul parcatge per las personas a mobilitat reducha) ; 10 usatgièrs maximum e 6 plaças de trabalh disponiblas.

Règlas sanitàrias e mesuras barrièras
 

- Pòrt de la masca e desinfeccion de las mans obligatòris, respècte collectiu de la distanciacion fisica. Gèl idro-alcoolic mes a posita ;

 Accès a l'ordenador public limitat a 30 min. WiFi disponible pels vòstres  otisses informatics personals, sus demanda a l'acuèlh de la Mediatèca ;
 

- Netejatge dels espacis renforçat : totes actors ! Lo material necessari es mes a vòstra posita ;
 

- Los documents tornats demòran someses a un periòde de quarantena de dètz jorns abans una novèla mesa en circulacion. Vos mercejam de plan voler manipular pas que los documents necessaris a vòstra cèrca o que desiratz manlevar.

CIRDÒC
Institut occitan de cultura
Sèti social e site Mediatèca
1, bis bld Du Guesclin
BP 180 - 34503 Besièrs
Tel : 04 67 11 85 10

Site Etnopòle
Castèth d'Este
Avienuda de la Pleiada
64140 Vilhèra
Tel: 05 59 13 06 40