Tolosa / Montalban / Tarba / Montpelhièr / Carcassona

Universitat Tolosa Jean-Jaurès

Licéncia d'occitan - Licéncia occitan/catalan - DU Occitan - Opcion occitan - Master EVOC - Doctorat e Recèrca

Licéncia d'occitan : 
La Licéncia LLCER d’Occitan compren tres nivèls repartits sus tres annadas (L1, L2, L3).
Compren una disciplina associada :
- una Lenga Viva : Catalan, Espanhòl, Italian, Anglés, Alemand…
- Letras modèrnas
- Istòria
- Sciéncias del Lengatge
- Documentacion
- Cap al Professorat de las escòlas

Dempuèi la dintrada 2018, la Licéncia 1, la Licéncia 2 et la Licéncia 3 son entièrament accessiblas a distància mercés al Servici d'Ensenhament a Distància (SED).

Licéncia occitan/catalan :
La licéncia Occitan/Catalan compren :
- l’Occitan en Disciplina Principala
- le Catalan en Disciplina Associada
- l’Espanhòl en Opcion (o una autra lenga)

Aquela licéncia est unica en França.

A partir de la dintrada 2017, las Licéncias 1 et 2 Occitan et las Licéncias 1 et 2 Catalan sont entièrament accessiblas a distància mercés al Servici d'Ensenhament a Distància (SED).

DU Occitan :
Le Diplòma Universitari (DU) d’Occitan es centrat exclusivament sus la practica de la lenga.
Pòt èsser preparat de faiçon independenta ou parallelament a una autra formacion (una licéncia, un master…).
Las UE del DU Occitan son totas accessiblas a distància mercés al Servici d'Ensenhament a Distància (SED).

Opcion occitan :

L’Occitan pòt èsser causit coma Opcion Lenga Viva dins totes los cursus. 
Uèit nivèls son prepausats. Son totes accessibles a distància mercés al Servici d'Ensenhament a Distància (SED).

Master EVOC :
Lo master EvÒc (Estudi e Valorisacion del Patrimòni Occitan) es prepausat per l'Universitat Tolosa - Jean Jaurès al dintre de la mencion Lengas e Civilizacions Estrangièras e Regionalas. Contunha e renòva lo Master Cultura e Patrimòni en País d'Òc. Lo Master EVOC associa d'ara enlà dins sa formacion e sos desembocats los mestièrs de la cultura e del patrimòni. 

Doctorat e recèrca :
Las recèrcas son menadas al dintre de diferents laboratòris :
· PLH (Patrimòni Literatura Istòria), còla ELHais 3 « Literatura occitana »
· CLLE-ERSSais 1 « variacion e diversitat de las lengas » 
· FRAMESPA (França meridionala-Espanha)
· LLA CREATIS (Letras, Lengatges & Arts)


Los ensenhaires-cercaires e los cercaires que trabalhan sus la matèria occitana al dintre de l'Universitat Tolosa Jean-Jaurès son totes sòcis de l'Associacion Internacionale d'Estudis Occitanas (AIEO).

Mantunas mencions permeton de se marcar en doctorat en estudis occitans, letras modèrnas, lingüistica, istòria medievala, istòria modèrna. 
Mai d'entresenhas al prèp de la Division dels estudis doctorals e de las escòlas doctoralas :

· ALLPH@ (Arts, Letras, Lengas, Filosofia, Comunicacion) - ED 328
· CLESCO (Comportament, Lengatge, Educacion, Socializacion, Cognicion) - ED 326
· TESC (Temps Espacis Societats Culturas) – ED 327

Contacte : occitan@univ-toulouse2.fr 

ESPE de Montalban (lengadocian) e Tarba (gascon)

Master MEEF Mencion 1èr gra : 

Lo percors prepausat a una tòca dobla, preparar al concors de la foncion publica CRPE (Concors de Recrutament dels Professors de las Escòlas) especial lenga regionala e assegurar una formacion professionala. S'agís de permetre als estudiants de desvolopar una basa de coneissenças pluridisciplinàrias e d'acquesir los elements fondamentals teorics, empirics e practics, relatius a las disciplinas ensenhada a l'escòla e al sistèma educatiu. La formacion es concebuda dins una logica integrada que fa dialogar los aspèctes disciplinaris, didactics, professionals en ligam amb la dimension recèrca. Los objectius professionals del Master que guinhan l'acquisicion pels estudiants de las competéncias professionalas del referencial comun als professors e personals d'educacion e del referencial pròpre als ensenhaires. D'ensenhaments teorics e practics articulats amb d'estagis d'observacion, de practica acompanhada e eventualament en responsabilitat (MS admeses) asseguran una formacion en alternància.

Responsablas del percors : Véronique Paolacci ; Euriell Gobbé Mevellec ; Serge Ragano. 
Correspondent formacion bilingüa occitan : Pierre Escudé. 

Secretariat : 05 62 25 22 43 - sandrine.domenech@univ-tlse2.fr 
Escolaritat : 05 62 25 20 09 - inspe.scolarite@univ-tlse.fr 

Universitat Paul Valéry - Montpelhièr III

Lo departement d'occitan organisa d'ensenhaments per totes los estudiants, començaires o non.

  • Master 1 et 2 d'occitan (Master recèrca, master ensenhament)
  • Doctorat d'occitan
  • Preparacion als concorses, en ligason amb l'ESPE de Montpelhièr : CAPES e CRPE (concors de recrutament de professors de las escòlas) especial lenga regionala.

 ESPE de Montpelhièr

Master MEEF occitan : 

Aquel master prepara a las espròvas del CAPES d'occitan-lenga d'òc qu'es en realitat bivalent puèi que la segonda espròva de l'escrit es una espròva d'una autra disciplina que lo candidat causís entre letras, istòria-geografia, espanhòl o anglés. 

En consequéncia, en mai de sa formacion en occitan-lenga d'òc, l'estudiant seguís una formacion correspondent a l'opcion causida. La formacion en occitan-lenga d'òc permet d'assolidar las competéncias lingüisticas e los sabers culturels en ligam lor experiéncia professionala. 

Per accedir al M1 : los candidats deuràn èsser titulars d'una licéncia LLCER en occitan o títol equivalent. Las demandas de validacion e d'equivaléncia seràn tanben examinadas. Per accedir al M2 : de dret pels titulars d'un M1 MEEF e admés al concors e après examen de la comission d'admission per las autras caindidaturas. De possibilitats de validacions e equivaléncias seràn examinadas tanben. 

Inscripcion : www.espe-lr.fr
Responsabla de percors : Gilda Russo – gilda.russo@univ-montp3.fr

 ESPE de Carcassona

Master MEEF occitan : 
Sabers disciplinaris e professionals identics al Master MEEF. Preparacion de las espròvas especificas d'occitan del CRPE especial.

Tel. : 04 68 25 16 35 


Categoria : L'occitan dins las acadèmias de la region - Dins le superior

Benvenguda sul site d'Òc-Bi Occitania

Benvenguda sul siti d'Òc-Bi en Occitània !
 

Associacion qu'acampa de parents e d'ensenhaires ambe per tòca la promocion del bilingüisme francés / occitan dins l'ensenhament public.


Secretariat : 16, carrièra de Pujòls

47300 Vilanuèva d'Òlt
 

Clea Korol, Encargada de mission : ocbioccitania@free.fr

Tel : 07.71.05.21.38  

Bona Annada

Tota la còla d'Òc-Bi vos presenta sos melhors vòts per l'annada 2023 !

2.jpg1.jpg

Novèlas aisinas per promòure l'ensenhament bilingüe francés-occitan

OPLO_Flyer-primaire.jpg
 

L'Ofici Public de la Lenga Occitana (OPLO) prepausa un desplegant explicatiu a destinacion dels parents sus l'ensenhament bilingüe francés-occitan.


A travèrs aquel desplegant dos objectius son definits :

- Informar les parents suls beneficis del bilingüisme precòç

- Adujar e orientar les parents desiroses de causir le bilingüisme francés-occitan



Per mai d'informacions, podètz trobar l'article complèt de l'OPLO en clicant sus aquel ligam, e podètz telecargar le document.

L'associacion Òc-Bi demòra tanben a la disposicion dels parents per tota demanda d'informacions suls diferents cursus qu'existisson en occitan.