Qu'es un dròlle bilingüe?
Per un dròlle, èsser bilingüe es aver la capacitat de
comprene, parlar, legir e escriure doas lengas.
Es bastir pauc a pauc son lengatge, sa capacitat a s'exprimir,
a dire lo monde que l'enròda d'un biais mai ric.
Es viatjar d'una lenga a l'autra, dins cadun dels moments de sa vida.
Mai de la mitat de la populacion de la planeta es bilingüa o multilingüa. Dins la màger part dels païses del monde, aprendre doas lengas tre l'enfança es la nòrma.
Pel psiquolingüista Gilbert Dalgalian, especialista del plurilingüisme, lo bilingüisme aboriu pòrta d'avantatges nombroses de tota mena : " un enfant bilingüe s'acostuma a designar una meteissa realitat en doas lengas. Es aprendre d'ora a acceptar las diferéncias (...) Atal serà mai d'aise per abordar las matematicas (mercés a de capacitats d'analisi e de comparason), per descobrir e aprendre de lengas novèlas e mestrejarà melhor l'orthografia del francés ".