L'Associacion ÒC-BI es a la vòstra disposicion per tota entresenha e per vos ajudar dins los vòstres procediments. 

Los parents que desiran la dobertura d'una classa bilingüa dins l'escòla dels lors enfants ne pòdon far la demanda :

- far circular l'informacion e recensar lo nombre de familhas interessadas.

- sollicitar los elegits locals

- contactar los responsables de l'Educacion nacionala (inspector de circonscripcion pel departament, inspector pedagogic regional al Rectorat). 

Testimoniatge d'una maire d'escolan que demòra e trabalha a Tolosa : 

" Soi originària de la region nantesa... Ai de parents que me parlavan breton quand èri pichona. Avèm causit lo bilingüisme pels enfants amb mon òme, pr'amor los ajudarà mai tard dins lor desvolopament e lor aprendissatge de las lengas estrangièras. Amai, d'o far amb la lenga regionala, es l'escasença de s'implantar un pauc mai dins la region ont vivèm ".