Visioconferéncia de Mariana Fonseca-Favre

Image_CIBER_CONF_Bilinguisme2.jpg
 

La visioconferéncia que vos es propausada le dimècres 26/05 a 18o aculhirà Mariana Fonseca-Favre, Professor al departament de lingüistica a la Facultat de letras de l'Universitat de Genèva (Soissa) ont mèna de recèrcas dins las classas suls enjòcs del bi-plurilingüisme notadament per l’intercompreneson entre las lengas romanas e, en particular, l’"intercompreneson integrada".

Dins son intervencion, nos presentarà l'ensenhament de l'occitan / en occitan jol prisma de la pedagogia del plurilingüisme.

Mariana Fonseca-Favre passarà en revista diferents abòrds pedagogics que permeten de trabalhar dins una perspectiva de dubertura a las lengas e se concentrarà particularament sus l'intercompreneson e l'ensenhament bilingüe occitan-francés.

Atal veirem que l'occitan ten non solament l'avantatge de foncionar coma una "lenga palanca" per comprene d'autras lengas romanas, mès tanben de se presentar comme una "lenga estranha" mai qu'estrangièra, despertant atal la curiositat dels escolans pels aprendissatges lingüistics e disciplinaris.
 

Aquela presentacion, per una part teorica, s’apiejant sus d’exemples de classa, serà seguida d’un escambi d’un vintenat de minutas qu’i poiretz participar via l’onglet discussion de la plataforma Zoom que farem servir.
 

Auretz pas que de seguir aqueste ligam :  

https://www.facebook.com/laciutatbearn

Bandeau_contributeurs.jpg


Categoria : Archius - 2021

Benvenguda sul site d'Òc-Bi Occitania

Benvenguda sul siti d'Òc-Bi en Occitània !
 

Associacion qu'acampa de parents e d'ensenhaires ambe per tòca la promocion del bilingüisme francés / occitan dins l'ensenhament public.


Secretariat : 16, carrièra de Pujòls

47300 Vilanuèva d'Òlt
 

Clea Korol, Encargada de mission : ocbioccitania@free.fr

Tel : 07.71.05.21.38  

Bona Annada

Tota la còla d'Òc-Bi vos presenta sos melhors vòts per l'annada 2023 !

2.jpg1.jpg

Novèlas aisinas per promòure l'ensenhament bilingüe francés-occitan

OPLO_Flyer-primaire.jpg
 

L'Ofici Public de la Lenga Occitana (OPLO) prepausa un desplegant explicatiu a destinacion dels parents sus l'ensenhament bilingüe francés-occitan.


A travèrs aquel desplegant dos objectius son definits :

- Informar les parents suls beneficis del bilingüisme precòç

- Adujar e orientar les parents desiroses de causir le bilingüisme francés-occitan



Per mai d'informacions, podètz trobar l'article complèt de l'OPLO en clicant sus aquel ligam, e podètz telecargar le document.

L'associacion Òc-Bi demòra tanben a la disposicion dels parents per tota demanda d'informacions suls diferents cursus qu'existisson en occitan.