Vòt de la Region Occitania Pirenèus Mediterranèa en favor de l'ensenhament de l'occitan

1280px-Hetel_de_reegion_dOccitanie_-_Toulouse_03.jpg

Vòt de la Region Occitania Pirenèus Mediterranèa en favor de l'ensenhament de l'occitan (5 de mars de 2020 - tèxt integral)

Dins un contèxt de preocupacion fòrta al dintre de la comunautat ensenhanta e las dels parents d'escolans, sus fons de reforma del licèu sacrificiala per una multitud d'ensenhaments, la question de l'accès a un ensenhament public de l'occitan deu èsser portada al dintre d'aquela Amassada. En redusissent la plaça faita a las lengas regionalas dins las modalitats del novèl bachilherat, son, tre la dintrada de 2019, mantuna centenas de liceans que se son tornats trobar privats d'un ensenhament de lenga occitana.

Los mejans umans, las formacions de qualitat, un recrutament ambiciós e subretot una volontat politica nacionala son los ingredients indispensables al bon desvolopament de las lengas. 
Mas degun pòt pas ignorar las diferéncias de tractament entre las lengas regionalas en matèria de mejans dedicats e de talhatge del territòri. Bretanha a, per exemple, pogut marcar sa convencion especifica per la transmission de las lengas de Bretanha dins un document titolat "Pacha d'avenir per Bretanha". Corsega, de son costat, progressa totjorn mai e a creat una filièra d'ensenhament bilingüa a paritat orària portant l'objectiu de 2020 a 20% de liceans marcats dins aquel cursus. D'autres exemples poiriáan èsser desvolopats, qu'illustran los escarts a còps abissals qu'existisson entre las regions, de qué incitar a trabalhar a un alinhament sus las lengas melhor dotadas.
Malastrosament, l'inegalitat existís al dintre d'un meteis espaci lingüistic.
Lo 26 de genièr de 2017, una convencion-quadre "pel desvolopament e l'estructuracion de l'ensenhament contribuissent a la transmission de l'occitan dins las Acadèmias de Bordèu, Lemòtges, Montpelhièr, Peitieus e Tolosa" èra signada a Tolosa entre la ministra de l'Educacion nacionala, Najat Vallaud-Belkacem, los Presidents de Region Occitània Pirenèus-Mediterranèa e Novèla-aquitània e la Presidenta de l'Ofici Public de la Lenga Occitana.

Rapelam qu'aquela convencion-quadre engatja los signataris per un periòde de cins ans (de 2019 a 2022) e a per objectius generals :
 de valorisar la lenga e la cultura occitanas
 de desvolopar l'ensenhament bilingüe,
 de ne facilitar l’accès al mai grand nombre,
 de n'assegurar la continuitat de l'escòla al licèu,
 e d’informar las familhas de las possibilitats d'ensenhament.

Demòran ça que la a signar las declinasons academicas d'aquel document oficial, declinasons que precisan la mesa en òbras effectiva del dispositiu e indican d'objectius chifrats de desvolopament de l'ensenhament de l'occitan. Las convencions particularas pel desvolopament e l'estructuracion de l'ensenhament de l'occitan an fait l'objècte de l'ensenhament de l'occitan an fait lobjècte de signaturas lo 11 de decembre de 2017 per l'Acadèmia de Bordèu e lo 2 de febrièr de 2018 per l'Acadèmia de Lemòtges, Tolosa e Montpelhièr son en espèra.

Los conselhièrs regionals d'Occitania, acampats en amassada plenièra lo 5 de mars de 2020 :

-demandan a las Acadèmias de Tolosa e de Montpelhièr de s'engatjar lèu dins la signatura de las convencions pel desvolopament e l'estructuracion de l'occitan.

-interpelan lo Ministèri de l'Educacion nacionala per que l'ensenhament public de la lenga occitana obtenga la consideracion e los mejans necessaris al títol de l'egalitat territoriala.

-demandan al Ministèri de l'Educacion nacionala de procedir als reajustaments necessaris de las reformas del licèu e del bachilherat per alargir e tornar valorisar l'ofèrta d'ensenhament de las lengas regionalas que foguèt fòrtament redusida per aquelas modalitats novèlas. 


Categoria : Archius - 2020

Benvenguda sul site d'Òc-Bi Occitania

Benvenguda sul siti d'Òc-Bi en Occitània !
 

Associacion qu'acampa de parents e d'ensenhaires ambe per tòca la promocion del bilingüisme francés / occitan dins l'ensenhament public.


Secretariat : 16, carrièra de Pujòls

47300 Vilanuèva d'Òlt
 

Clea Korol, Encargada de mission : ocbioccitania@free.fr

Tel : 07.71.05.21.38  

Bona Annada

Tota la còla d'Òc-Bi vos presenta sos melhors vòts per l'annada 2023 !

2.jpg1.jpg

Novèlas aisinas per promòure l'ensenhament bilingüe francés-occitan

OPLO_Flyer-primaire.jpg
 

L'Ofici Public de la Lenga Occitana (OPLO) prepausa un desplegant explicatiu a destinacion dels parents sus l'ensenhament bilingüe francés-occitan.


A travèrs aquel desplegant dos objectius son definits :

- Informar les parents suls beneficis del bilingüisme precòç

- Adujar e orientar les parents desiroses de causir le bilingüisme francés-occitan



Per mai d'informacions, podètz trobar l'article complèt de l'OPLO en clicant sus aquel ligam, e podètz telecargar le document.

L'associacion Òc-Bi demòra tanben a la disposicion dels parents per tota demanda d'informacions suls diferents cursus qu'existisson en occitan.