Universitat Bordèu-Montaigne

Cordèra Letras-Occitan

Lo percors letras-occitan que permet de correlar los estudis literaris generaus (e especiaument francesas) e los estudis literaris occitans dab l'aprenedissatge (en "grans començaires" o au nivèu "confirmat" de l'occitan. Aqueths estudis qu'abòrdan tanben l'istòria e la cultura occitanas medievaus e modèrnas. Aqueth percors que prepara auc concors de l'ensenhament primari e segondari, especiaument lo CAPES d'occitan e lo concors especiau au prumèr gra (ensenhament bilingüe), mes que pòt tanben donar accès aus mestièrs ligats a la cultura e au libe. los estudiants literaris interessats peu lor ancoratge regionau e peu patrimòni de la region que seràn planvienuts dens aqueth percors.

Ensenhaments opcionaus que son tanben perpausats en licéncia letras modernas de la 1ra a la 3au annada e en sciéncias deu lengatge (1ra annada). Qu'existeish enfin ua opcion d'occitan au CAPES de letras modèrnas (escriut e orau).

Adreça : Domeni Universitària F33607 Peçac Cedex

Responsabla : Katy Bernard ; mail : lettres@u-bordeaux-montaigne.fr

INSPE Site de Dordonha (Perigüers)

Master MEEF Mencion 1er gra option Occitan :
La mention « Premier degré » deu master MEEF - Mestièrs de l'ensenhament, de l'educacion e de la formacion qu'assegura la preparacion au mestièr de Professor de las escòlas e qu'auhereish a tots los estudiants ua formacion comuna a las problematicas de l'escòla mairala e de l'escòla elementària. Qu'eintegra tanben ua preparacion au CRPE (Concors de Recrutament de Professor de las Escòlas) especific tà l'occitan.

Contacte : 05 53 35 56 80

Universitat de Pau País d'Ador (campus de Pau) 

- Au CRL (Centre de ressources en langues), ua opcion de lenga de 1h30 per setmana (19,5h per semèstre) accessibla a tot estudiant de l'universitat au títol de la lenga viva, de l'UE libra obligatòria o de l'UECF (opcion facultativa). L'opcion que compta tres nivèus (objectius A1, A2 et B1 deu CECRL), e pòt donc estar seguida pendent las tres annadas de la licéncia.

Responsable : Philippe Biu - contacte : philippe.biu@univ-pau.fr

- Au collègi STEE (Sciences et technologies pour l'énergie et l'environnement), a la licéncia MIASHS (Mathématiques et informatique appliquées aux sciences humaines et sociales), un percors "Lengas regionaus" de 3h per setmana (39h per semèstre), ubèrt aus debutants, que prepara en tres ans los estudiants a integrar los masters MEEF professor de las escòlas bilingüe francés-occitan e a passar lo CRPE especiau occitan.

Responsable : Laurent Levi - contacte : laurent.levi@univ-pau.fr

Document generat en 0.26 segonda